TWENDE TOLEO LA 4/2019 Linapatikana
Cathbert Msemo
Maisha yangu ya baadaye
Siku moja baba yangu aliniuliza swali, "Rehema, ukiwa mkubwa unataka kuwa kama nani?" Nilijibu kwa haraka, "Nataka kuwa daktari." Baba akauliza kwa nini, nikasema kwa sababu nataka kuwasaidia wengine wenye shida na magonjwa.
Basi Baba yangu akanifundisha kwamba nikitaka kuwa daktari lazima nisome kwa bidii na kumtegemea Mungu. Aliniambia malengo yangu ni mazuri na yatanifaa kwa maisha ya baadaye.
Tulipoendelea kuzungumza aliniuliza tena, "Unajua kuna maisha mengine baada ya maisha ya hapa duniani?" Nilijibu hapana. Baba akaniambia kuhusu habari za uzima wa milele na kuishi na Yesu Mwana wa Mungu milele. Tena akaniambia kwamba nikimtegemea Yesu, yeye mwenyewe atanisaidia kuurithi uzima wa milele.
Mtoto mwenzangu, toleo hili lina habari njema kuhusu maisha yetu ya sasa na ya baadaye. Tutambue kwamba tukiwa ndani ya Yesu tutakuwa salama sasa na siku zijazo, na hata tukifa tutaenda kuishi na Yesu kwa furaha mbinguni.
Twende ni kwa ajili ya Watoto na Vijana na linauzwa kwa bei poa ya Shilingi mia tano tu. Karibu dukani kwetu ujipatie nakala yako.
Twende inapatikana kwenye duka la Soma Biblia Dar es Salaam, Arusha, Mbeya, Mwanza na Iringa.
Karibu usome!