Karibu Mkurugenzi mpya wa Soma Biblia

Mchungaji Bent Houmaa Jørgensen

na Bi. Vivi Agerbo Jørgensen

Sisi wa Soma Biblia tuna furaha ya kumkaribisha mkurugenzi mpya wa shirika letu, Mchungaji Bent Houmaa Jørgensen kutoka Denmark. Mchg. Bent aliingia kazini rasmi siku ya Ijumaa tarehe 7, mwezi huu wa pili. Alipokea kazi hiyo kutoka kwa mkurugenzi aliyemaliza muda wake, Ole Malmgaard. 

Tuna furaha pia kumkaribisha Bi. Vivi Agerbo Jørgensen, mke wa mkurugenzi wetu mpya, ambaye atahudumu na Soma Biblia kama mkufunzi. 

Mchungaji Bent Houmaa Jørgensen na mke wake, Vivi, waliishi hapa Tanzania miaka mingi iliyopita. Wanaweza kuongea Kiswahili kama waswahili kabisa, na wanakumbuka baadhi ya tamaduni za Watanzania. Wanajisikia nyumbani kabisa kurudi tena na kuishi hapa wakifanya kazi ya kumtumikia Kristo ndani ya shirika la Soma Biblia.

Karibuni sana Tanzania,

Karibuni Soma Biblia.

Mchungaji Bent Houmaa Jørgensen

Bi. Vivi Agerbo Jørgensen