TWENDE TOLEO LA 4/2022 'Linapatikana'

Bwana Yesu Asifiwe!

Karibu kununua Twende katika maduka ya Soma Biblia.

Katika toleo hili tutajifunza juu ya Likizo na mapumziko.

Umewahi kuwaza ni kwa nini kila baada ya kipindi fulani tunapewa likizo shuleni? Au umewahi kufanya kazi moja kwa muda mrefu? Mwili wako uliendelea kuwa na nguvu au ulisikia kuchoka? Bila shaka ulitamani kuacha na kufanya kitu kingine au kutulia na kupumzika. Ni hali yetu kama wanadamu.

Vipi na Yesu, anatuambia nini kuhusu kupumzika? Anasema, "Njoni kwangu, ninyi nyote msumbukao na wenye kulemewa na mizigo, nami nitawapumzisha" (Mathayo 11:28). Looh! kumbe Yesu anatuita kwake kupumzika? Hii ni neema kubwa, sivyo! Tukimwamini Yesu anaweza kutupumzisha kutoka katika hali ya changamoto, magonjwa na dhambi na kadhalika.

Kupitia makala zote katika toleo hili utajifunza zaidi juu ya mambo hayo. Katika makala ya Sala kwa mfano, utaona jinsi Yesu alivyowaita wanafunzi wake kupumzika bada ya kazi kubwa na nzuri waliyoifanya ya kuwahubiria watu habari njema za wokovu. Habari ya Mariamu na Martha na yaliyotokea Yesu alipowatembelea nyumbani imesimuliwa vizuri katika makala ya Simulizi.

Kama kawaida kuna kibonzo kizuri. Angalia katika uk.5 unavyoweza kupata zawadi kama ukijibu maswali vizuri! Pia Kaka Kalamu anakukumbusha atakujibu kama ukimwandikia swali lako. Karibu tusome!