Namwamini Yesu Kristo - RIZIKI toleo la 3 2018
Amini unachokiri
Toleo hili la RIZIKI tunaangalia sehemu ya pili ya Imani ya Mitume; Namwamini Yesu Kristo. Tunakumbushana kwa kutafakari maana ya maneno haya. Tunapokiri kwamba namwamini Yesu, ina maana maisha yetu yamejengeka ndani ya msingi ambao ni Yesu Kristo. Pia tunakutana na mtu ambaye hapo kwanza alionekana kuwa na mashaka ya kutokuamini. Lakini alipopata ushahidi na uthibitisho, alipiga hatua moja zaidi mbele ya wenzake, yaani, kumwabudu Yesu kama Mungu wake na Bwana wake.