Tusaidiane kusema ukweli

Je, umewahi kusema uongo kwa kuogopa kuadhibiwa au kumlinda rafiki? Pengine ulidhani hakuna mtu atakayejua. Lakini Biblia inatufundisha kwamba Mungu anapenda ukweli na huona hata mambo yanayofanyika kwa siri.

Katika toleo hili la Twende, utajifunza kwa nini ni muhimu kusema kweli wakati wote. Utasoma kwa mfano, Simulizi la Anania na Safira, Hadithi ya mchungaji aliyepoteza imani ya watu kwa sababu ya uongo, na Ushuhuda wa Mtoto wa Zamani. Pia utajifunza kuhusu urafiki wa Daudi na Yonathani, utaimba wimbo mzuri unaokuhimiza kutafuta daima utakatifu. Kisha pamoja tutatafuta na kugundua mistari ya Biblia inayotufundisha kuishi katika kweli na kuacha kabisa uongo.

Usikose michezo na vibonzo, utafurahia huku ukijifunza mambo mazuri ya imani na maisha. Na usisahau kutuma majibu ya maswali ili upate nafasi ya kujishindia zawadi kutoka kwa Dada Rehema. Pia, kama una swali lolote kuhusu Biblia au maisha ya Kikristo, mwandikie Kaka Kalamu, atakujibu kwa upendo kupitia gazeti letu.

Karibu tusome, tujifunze na tuishi katika kweli inayompendeza Mungu!